ШОУДАХЫН ТӨЛӨӨ ТӨРСӨН МЭТ ЗУГАА ЦЭНГЭЛД ХАЙРТАЙ ЗУРХАЙН 2 ОРД

Жинлүүр Хамт олон, олон хүний дунд байх дуртай Жинлүүрийн ордныхон хотдоо болж байгаа бүхий л арга хэмжээнд оролцохыг хүснэ. Тэд ямар нэг онцгой, олныг хамарсан үйл ажиллагаа, эвентийн урилгыг яаж ийгээд олоод авчихсан байдаг. Шоудах дуртай учраас аль хэдийн инстаграм дээр хамгийн их үдэшлэгт явдаг хүмүүсийг дагаж, байгаа газрынхаа DJ нартай найзууд болж, сүүлийн үед болох арга хэмжээний талаар үргэлж мэдээлэлтэй байна. Жинлүүрийн ордныхонтой найзууд байна гэдэг нь рестораны нээлт, фестивал, тоглолт, үдэшлэг гээд үргэлж ямар нэгэн арга хэмжээнд уригдана гэсэн үг юм. Хурим дээр чинь хоорондоо таардаггүй нагац эгч нарын учрыг олж, тохиромжтой үед хошин онигоо ярьж, эвлэгхэн хөтлөх хүн хэрэгтэй бол жинлүүрийн ордныхон яг тохирох хүмүүс шүү. Түүний ухаалаг, хөгжилтэй, сэтгэл татам байдал хүн болгонд таалагдах болно. Нум Нум хаана байна тэнд үдэшлэг болно гэсэн үг. Та нөхөрсөг, эелдэг, хүмүүсийг өөртөө соронз мэт татагч энэ ордны хүмүүсийн нэрийг ихэнх нэр хүндтэй газруудын ВИП жагсаалтнаас олж харах болно. Тэд маш өөдрөг, гэгээлэг, тайван амгалан хүмүүс юм. Мөн адал явдалд дуртай тэд хайрцагнаас гадуур сэтгэгчид байдаг билээ. Хэрэв танд найз нөхдийг чинь татах сонирхолтой сэдэвтэй үдэшлэг, төрсөн өдрийн парти, төгсөлтийн баяр гээд юу ч байсан нумын ордны найзаасаа тусламж авсан нь дээр. Тэд хамгийн сонирхолтой, санаанд багтамгүй үдэшлэгийн санааг гаргах болно.